|
24 Fevral 2006-cı il tarixində Millət Vəkili Fuad
Muradov Səbail rayonu 20-ci sahə  
qəsəbəsində yerləşən Gəmi Təmir Zavodunda görüş
keçirdi. Görüşdə sözü gedən zavodun idarə heyəti
ilə yanaşı həmin zavodun fəhlələri və burada çalışan
Qarabağ müharibəsi veteranları da iştirak edirdilər.
Öz çıxışında ilk olaraq Gəmi Təmiri Zavodunun
tarixi haqqında və zavodun ölkəmizə göstərmiş
olduğu əvəzsiz xidmətlər haqqında ətraflı söhbət
açan Fuad Muradov, Qarabağda gedən qızğın döyüşlər
zamanı sıradan çıxmış zirehli texnikanın təmirinin
heç bir zavod tərəfindən qəbul edilmədiyi halda
məhz Gəmi Təmiri Zavodu bu şərəfli və eyni zamanda
məsuliyyətli işi öz öhdəsinə götürməsini də xüsusi
olaraq vurğuladı. Burada təmir olunmuş zirehli
texnikanın və zavodun ərazi bütövlüyümüz uğrunda
gedən döyüşlərdə iştirak etmiş və şəhid olmuş
vətənpərvər fəhlələrinin vətənin çətin günlərindəki
xidmətlərinin heç bir zaman unudulmayacağı və
gələcək nəsillərə örnək olacağını bildirdi.
Daha sonra Fuad Muradov
ona sualı olan görüş iştirakçılarına söz verdi.
Gəmi Təmir Zavodunun
fəhlələri onlara tibbi xidmətlərin dövlət tərəfindən
təmənnasız göstərilməsi və bu xidmətin səviyyəsini
yüksəldilməsi ilə bağlı müraciət etdilər. Xidməti
avtobuslarının köhnə və yararsız vəziyyətdə olmasından
şikayət edən fəhlələrə isə müdriyyət tərəfindən
həmin avtobusların yeniləri ilə əvəz olunacağı
barədə söz verildi.
Sonda isə Fuad Muradov
Gəmi Təmir Zavodunun ərazisində gəzintiyə çıxaraq
bir çox sexlərə də baş çəkdi.
|
